Neste día tentamos facer actividades que nos fixeran reflexionar sobre o papel da muller na sociedade e tomar conciencia da importancia de relacionarnos e tratarnos con igualdade e respecto, sen importar o xénero.
Para empezar o alumnado pudo analizar o rol da muller no Antigo Exipto a través dunha actividade que constaba de 4 partes:
1º Responder a un cuestionario con preguntas sobre a sociedade exipcia.
2º Visionado dun vídeo desa temática.
3º Responder de novo ao cuestionario coa información obtida do vídeo e desbotar ideas preconcebidas e estereotipos.
4ºConclusións
Despois enredamos dándolle a volta a unha serie de contos tradicionais. Puxemos patas arriba ese idílico mundo de príncipes e princesas cheo de estereotipos que se proxectan sobre a imaxe das mulleres. Acabamos creando en grupos a nosa propia versión de cada conto...moito máis divertida!
O outono é tempo de castañas e, como non podía ser menos, no cole este ano tamén as degustamos no magosto que celebramos o mércores 13.
Pero a cousa non remata aí...despois de encher o bandullo tocaba divertirse xogando a xogos tradicionais como a mariola, a ra, ou o 3 en raia... e movendo o esqueleto ao son da música.
Para rematar a xornada nada mellor que un pouco de relaxación...
O martes 5 de novembro fomos de visita á Cidade da Cultura para coñecer de primeira man a Exposición Argallar. Trátase dunha exposición que pretende acercar a arquitectura aos nenos/as a través de xogos xeométricos.
No transcurso da visita realizamos diferentes actividades en grupos e tamén de maneira conxunta, como un único equipo:
1º -Metalupo: construción dunha torre con pezas para encaixar de diferentes formas e tamaños feitas de polietileno, un material moi lixeiro e inocuo co que deixaron voar a súa imaxinación.
2º- Hula hoops: construción por grupos de diferentes volumes empregando os hula hoops para finalmente, mediante a súa unión e superposición, conseguir unha figura única de maior tamaño.
3º- Palitroques: nesta actividade unhas varas de madeira e uns anacos de goma de mangueira, usados como punto de unión, serviron para a montaxe de figuras xeométricas tales como o icosaedro ou a cúpula esférica entre outras...
4º-A muralla: uns cubos e uns prismas rectangulares feitos de esponxa foron os materiais cos que levantaron a muralla. Nesta ocasión era unha tarefa colaborativa e traballaron como o gran equipo que son.
Deconstruíla foi sen dúbida o máis divertido!
Ao remate das actividades puidemos xantar e coñecer os exteriores da Cidade da Cultura grazas a unha tregua que nos deu o tempo. Paseamos polo Xardín do Lago e desfrutamos un montón xogando no Parque da Balea no seu gran tobogán.
Pagou a pena visitar este enorme espazo cultural cheo de recunchos por descubrir!
O 30 de outubro o noso cole encheuse de cabazas, disfraces e comida monstruosa para celebrar o ansiado Samaín.
As nenas e nenos convertíronse nuns chefs terroríficos e preparon comida típica desta celebración...
Outra das actividades foi a lectura de historias de medo escritas por eles mesmos na clase os días previos.
Happy Halloween!May the ghost be with you...
Suscribirse a:
Entradas (Atom)
