Ao longo do mes de marzo en Educación Infantil coñecemos o corpo humano. Realizamos moitas actividades diferentes: aprendemos a diferenciar as partes do noso corpo, a describirnos a nós mesmos e aos compañeiros, a importancia de manternos fortes e saudables e coñecemos o nome dalgún dos nosos ósos, entre outras.
Queredes ver algunhas das fotos da nosa experiencia?
Aprendemos a colocar as partes da cara correctamente. Pegamos e despegamos as veces que queiramos gracias ao velcro.
Debuxamos a silueta do compañeiro en láminas de cartón.
Recortamos e pintamos a nosa silueta.
Escribimos as principais partes do corpo en pequenos papeliños.
Pegamos cada un os nosos papeis coas partes do corpo na nosa silueta.
Tamén coñecemos o traballo dos médicos que nos tratan: pediatra e dentista. Creamos un estetoscopio e transformámonos en pediatras por un día. Medimos aos nosos compañeiros, escoitamos o seu latexo e anotamos os resultados.
Aquí estamos coñecendo os principais ósos do noso corpo. Sinalamos para que os compañeiros nos digan cales son, a ver se acertan!
Todas estas actividades e algunha máis van recollidas no noso libro das partes do corpo que levamos para a casa.
Xa estamos pensando na seguinte aventura!
5 de abril de 2017, 19:02
Que guapos mola un montón