~ CeIp De MeRzA ~ .. *O noso blog*..

Saída ata A Coruña

Hoxe mércores 15 de maio de 2019 os nenos e nenas do Ceip de Merza foron coas súas mestras ata A Coruña para realizar diversas actividades.

Primeiro fixemos unha visita moi interesante ao Aquarium Finisterrae.

Nada mais entrar no acuario tivemos a sorte de chegar á hora de alimentar as focas do recinto e saímos ao exterior para velo.

A continuación baixamos ata a Sala Nautilus, que sería como estar a bordo deste "mirador subterráneo"

E para iso descendimos á parte inferior do recinto...

Logo voltamos ás salas superiores do edificio para aprezar belezas como estas...

E á saída do Aquarium Finisterrae puxemos rumbo ata o pé do Monte de San Pedro, onde tivemos a mala sorte de non poder subir no elevador, por estar hoxe pechado...

Total que subimos en bus ata o Mirador do Monte de San Pedro onde tras a comida os rapaces e rapazas disfrutaron dun grande labirinto vexetal e dun parque infantil.

Fotos cos cañóns do mirador...

E xa para despedirnos da cidade que mellor que acercarnos ata a Torre de Hércules.

E de volta para Merza... un día completo !!!

1 comentarios |

VISITA Á BASE DE EXTINCIÓN DE INCENDIOS FORESTAIS NO CAMPIÑO (PONTEVEDRA)

O pasado martes 23 de abril (Día do Libro) os nenos e nenas do Colegio de Merza visitaron a base de extinción de incendios situada no Campillo (Pontevedra).

Alí estaban agardándonos varios dos bombeiros e o propio piloto do helicóptero para ensinarnos o interior do mesmo!

Fixemos dous grupos de 9 alumnos/as e subimos ao helicóptero para sentirnos auténticos bombeiros!

E como xa eran horas e os técnicos prestáronnos o seu propio comedor, dispuxémonos a xantar! Bo proveito!

E xa por último, e aproveitando que saía o sol, que mellor que un bo paseo polo centro da vila de Pontevedra, onde vimos a Igrexa da Peregrina e ao Loro Ravachol!

Ata a próxima saída !!

2 comentarios |

O pasado luns celebramos no Ceip de Merza un obradoiro moi interesante. En colaboración coa Cruz Vermella de Silleda, unha enfermeira foi quen de guiar unha sesión sobre a reanimación cardiopulmonar ou RCP e a nosa rápida actuación nestos casos!

A enfermeira e voluntaria da Cruz Vermella guiounos en todo momento na elaboración da masaxe cardíaca

en caso de parada do corazón e desmaio.

No caso dos bebés de menos dun ano, a masaxe realizarase por encima da fin do oso do esterno, presionando 15 veces seguidas con dous dedos, para non facer dano ao neno...

No caso dos nenos de máis dun ano e adultos, a masaxe realizarase por encima da fin do oso do esterno, presionando 30 veces seguidas coas dúas mans entrelazadas...

E no caso dun atragantamento, deberemos golpear entre as escápulas (nas costas) 5 veces con certa enerxía e logo rodear á persoa cos nosos brazos e presionar a boca do seu estómago durante 5 ocasións, para favorecer así a saída do corpo estrano...